دھڑکن سا کوئی دل میں سوا بول رہا ہے
اس ساز میں خود نغمہ سرا بول رہا ہے
کھلتا ہی نہیں تیرا طلسم لب و لہجہ
کیا جانیے خاموش ہے یا بول رہا ہے
یہ لفظ کہ چڑھ کر ہوا تھا گنگ زباں پر
کاغذ پر اتارا ہے تو کیا بول رہا ہے
یہ وہ ہی پرندہ ہے کہ سادھے ہوئے چپ تھا
اس طرح جو اب ہو کے رہا بول رہا ہے
شوکتؔ ہے پیاپے جو رواں قافلہ دم کا
دل صورت آواز درا بول رہا ہے

شوکت واسطی

Material & Fit

Material: Cotton Silk (65% Cotton & 35% Polyester)

Dimensions:
Length: 105-105 inches
Width: 38-39 inches